ITCZ, Shear line at Amihan, magdadala ng mga pag-ulan sa ilang lugar sa bansa

Patuloy pa ring makakaapekto sa ilang lugar sa Luzon at Visayas ang umiiral na ITCZ, Shear line at Amihan ngayong araw.

Dahil dito, asahan ang kalat-kalat na pag-ulan , pagkulog at pagkidlat sa bahagi ng Visayas, Bicol Region, at MIMAROPA epekto ng shear line.

Parehong lagay rin ng panahon ang mararanasan sa Davao Region at SOCCSKSARGEN dahil sa pag-iral ng Intertropical Convergence Zone.

Makakaapekto naman ang Northeast Monsoon o Amihan sa Cagayan Valley, Cordillera Administrative Region, Aurora, Quezon Metro Manila at nalalabing bahagi ng Luzon na magdadala ng mahinang pag-ulan.

Asahan naman ngayong araw ang isolated rain showers o thunderstorms sa nalalabing bahagi ng Mindanao.