CAUAYAN CITY – Matagumpay ang isinagawang iwas paputok campaign ng ibat-ibang tanggapan ng pamahalaan sa Cauayan City upang paalalahan ang publiko na mag-ingat ngayong pasko at bagong taon nang maiwasan ang mga disgrasyang dulot ng mga paputok.
kabilang sa mga lumahok sa parada para sa iwas paputok campaign ay ang mga kawani ng Cauayan City Disaster Risk Reduction and Management Office o CDRRMO, Cauayan City Fire Station, Cauayan City Police Station at Public Order and Safety Division.
Layunin ng ng motorcade na paalalahanan ang publiko sa ligtas na pagdiriwang ng kapaskuhan.
Samantala, nakahanda na rin ang kanilang mga rescuers na tumugon sakaling magkaroon ng mga hindi kanais-nais na pangyayari sa pagdiriwang ng pasko.
Nauna nang sinabi ni CDRRM Officer Viloria, nagdadag na sila ng mga gamot at emergency supply na gagamitin sa pagtugon sa mga insidente.
