Nangungulila ngayon ang aktres na si Janine Gutierrez matapos lamang ang limang araw nang sumunod na namayapa ang kaniyang lola na si National Artist and Superstar Nora Aunor matapos lang na mamayapa si
Asia’s Queen of Songs na si Pilita Corrales.
Si Janine, 35, ay anak nina Lotlot de Leon, ampon ni Nora, at Ramon Christopher na anak ni Pilita.
Pumanaw si Pilita noong Abril 12 habang mahimbing na natutulog, ayon sa kanyang anak na si Jackie Lou Blanco. Sumunod namang pumanaw si Nora noong Abril 16. Na kasalukuyang nakaburol ang labi sa Heritage Park, Taguig City.
Nagbigay-pugay si Janine sa kanyang mga lola sa social media. Tinawag niyang inspirasyon si Pilita, hindi lamang dahil sa musika kundi sa kabutihan nito.
Samantala, inilarawan niya si Nora bilang “Mama Guy,” na isang treasure ng kanilang pamilya at ng sambayanang Pilipino.
‘With sorrowful hearts, we share the passing of our grandmother, Mama Guy. A treasure to our family but truly always more the people’s than ours. She had a life of giving her immeasurable love to everyone she touched whether on screen, through music, or in person,’ post nito sa kanyang IG.
Samantala, ntakdang bigyan ng state funeral si Nora sa Abril 22, ngunit hindi pa tapos ang mga detalye nito ayon sa anak niyang si Kristoffer Ian de Leon.
