-- Advertisements --
Nagtala na ng unang pagkamatay ang Japan ng nadapuan ng coronavirus disease 2019 (COVID-19).
Ayon kay Health Minister Katsunobu Kato , isang babaeng may edad 80 na nakatira sa Kanagawa prefecture ang namatay.
Hindi naman malinaw aniya kung ang virus nga ba ang naging sanhi ng kamatayan nito.
Na-ospital ito noong Pebrero 1 matapos na makitaan ng sintomas ng coronavirus.
Inaalam pang mabuti ng mga otoridad kung sino-sino pa ang nakasalamuha ng namatay na pasyente.
