Abanse na sa first round series 2-1 ang NBA top team na Utah Jazz matapos na ilampaso ang Memphis Grizzlies 121-111.
Muli na namang bumida ang All-Star na si Donovan Mitchell kung saan naipasok niya ang 10 mula sa kanyang kabuuang 29 points sa fourth quarter.
Ito ang pangalawang laro pa lamang ni Mitchell mula sa injury bunsod ng sprained right ankle.
Umeksena rin naman ang Jazz guard na si Mike Conley na dating nagsimula sa Memphis nang tapatan ang kanyang regular-season at playoff career highs na pitong 3-pointers at magtapos sa 27 points.
Kabilang pa sa nag-ambag sina Rudy Gobert ng 15 points at 14 rebounds, habang sina Bojan Bogdanovic at Fil Am Jordan Clarkson ay may tig-15 points.
Ang Game 4 ay gagawin sa Martes sa Memphis.
Nanguna naman si Ja Morant sa Grizzlies na may 28 points.
