Bumuhos ang pagbati para kay Jennylyn Mercado kasunod ng pagsapubliko nito sa unang tsikiting nila ni Dennis Trillo.
Sa kanyang “channel,” lumalabas na April 25 pa isinilang ng 34-year-old actress ang baby girl nila ng 40-year-old actor.
Kuwento nito, hindi sila handa dahil checkup lang dapat pero sinabihan na manganganak na siya.
Una nang naiulat na kapwa dream come true sa celebrity couple ang pagkakaroon nila ng baby girl dahil pareho ring lalaki ang kani-kanilang panganay sa mga dating kasintahan.
Nabatid na 13-anyos na ang anak ni Jen sa aktor at ex-boyfriend na si Patrick Garcia, habang parehong edad sa anak ni Dennis sa beauty queen ex-partner na si Carlene Aguilar.
Nobyembre noong nakaraang taon nang ikinasal sila sa pamamagitan ng low-key civil ceremony sa Quezon City.
