Masayang ibinalita ng Korean personality na si Jinri Park na engaged na siya sa kanyang non showbiz boyfriend.
Ito rin ang unang pagkakataon na ipinakilala ng 31-year-old actress sa publiko ang kanyang future husband na si John.
“I’m engaged!,” saad ni Park na ngayon ay nakabase na sa Pilipinas.
Inilarawan ng bride to be ang kanyang sapphire engagement ring bilang “nice and unique.”
Ang fiance ni Jinri ay Pinoy ngunit lumaki sa Australia.
Nagsimula ang kanilang love story sa pamamagitan ng kani-kanilang common friends at agad “nag-click.”
“She (Jinri) had a very good aura about her, which is what I liked, which is how we connected,” saad ni John.
Dagdag nito na mas naging malapit sila sa isa’t isa noong makapasyal sa tanyag na Sydney Harbour Bridge.
Sa panig ng Manila based Korean actress, totoo pala aniya ang katagang “You just know” pagdating sa usapin ng pagkakaroon ng Mr. Right.
“Thank you to everyone who sent their blessings to me and John! I’ve realized that the generic phrase “You just know” when you ask couples how did you know he’s the one? Is so true. Everything just seems right and you have absolutely no doubt. That’s when you know he’s the one. The universe will make it happen in the most unexpected time and place.”
