-- Advertisements --
KALIBO, Aklan — Naispatan sa Boracay ang nagbabalik showbiz at guwapong actor na si John Lloyd Cruz kasama ang kanyang anak na si Elias.
Nauna dito, pinagkaguluhan ang actor ng kanyang mga tagahanga sa Caticlan Airport kanina, ang pinakamalapit na airport patungong Boracay.
Hindi naman nito binigo ang mga kumaway at bumati sa kanya at game na nagpa-picture sa ilang mga fans.
Nabatid na sinabi ni John Lloyd na utang niya ang kanyang buhay sa anak sa dating partner na si Ellen Adarna at ito rin umano ang dahilan ng kanyang showbiz comeback.
Naging malapit rin umano siya sa Diyos matapos ang matagal na pamamahinga sa showbiz.
Kamakailan lang ay nagtrending sa social media ang showbiz comeback ng actor.
