-- Advertisements --
Nakaisa na rin ng panalo ang Utah Jazz matapos idispatsa ang New Orlean Pelicans sa score na 127-96 bilang bahagi ng preseason games.
Una nang lumasap ng tatlong sunod na pagkatalo ang Jazz.
Sa pagkakataong ito bumawi na ang team sa pangunguna nina Rudy Gobert na may 19 points, Jordan Clarkson na umeksena ng 17 points at si Donovan Mitchell na kumamada ng 18 points at five assists.
Tulad nang nakagawian si Clarkson ay nanggaling sa bench at dumiskarte sa kanyang 6-for-12 kabilang na ang tatlong three point shots.
Sa darating na October 19 na ang pagbubukas ng bagong season ng NBA.
