-- Advertisements --
Nilinaw ng aktor na si Joseph Marco na hindi sila nagmamadali ni Miss Earth Philippines 2018 Celeste Cortesi.
Ito’y kasabay ng pagkumpirma ng 30-year-old hunk actor na dalawang buwan na silang nagdi-date ng Fil-Italian beauty queen.
“We’re dating and we’re not rushing, we’re just getting to know. You know, madalas ko siyang maka-hang out,” ani Marco sa push.
Noong nakaraang buwan nang magsimulang umugong ang usap-usapan hinggil sa espesyal na pagkakaibigan ng dalawa matapos na kumalat ang larawan nila na magkasama.
Kung maaalala, bigo si Cortesi na maibigay ang back-to-back win ng bansa sa Miss Earth 2018 kung saan nasungkit nito ang Top 8 finish.
