-- Advertisements --
Isang araw matapos kumpirmahin ng Department of Health ang local transmission ng Delta COVID (Coronavirus Disease) variant cases sa bansa, karagdagan pang isang milyong doses ng bakuna mula China ang dumating.
Pasado alas-7:00 ngayong Biyernes ng umaga, lumapag sa Ninoy Aquino International Airport (NAIA) ang Cebu Pacific flight kung saan lulan ang CoronaVac shots.
Kasunod ng bagong shipment na ito, mayroon nang 17 million ng Sinovac vaccines ang natanggap ng Pilipinas.
Sa nasabing bilang, 16 million ang binili ng gobyerno at ng ilang private sector, habang ang isang milyon ay donasyon ng China.
Kahapon ay 1.5 million doses ng Sinovac vaccine ang dumating din sa NAIA Terminal 3 sa kabila ng maulan na panahon.
