Kabacan Cotabato mukha ng kaunlaran fireworks display

CENTRAL MINDANAO- Inanyayahan ni Kabacan Cotabato Mayor Evangeline Pascua-Guzman ang publiko na dumalo at makisaya sa isasagawang Fireworks Display sa bayan.

Ang aktibidad ay isasagawa ngayong December 30, 2022 ganap na 6:00PM sa Kabacan Pilot Central School.

Nagpaabot naman ng pasasalamat si Mayor Gelyn sa tanggapan ng paaralan na muling buksan ang kanilang pinto para sa nasabing aktibidad.

Tiniyak din ng alkalde na magiging alerto ang mga pulis, sundalo, medical team at force multipliers upang matiyak ang kaayusan at kasiguruhan ng aktibidad.

Samantala, bukod sa fireworks display, magkakaroon din ng awitan at mga palaro sa nasabing aktibidad.