COTABATO CITY — Walang palag na nahuli ng PNP ang dalawang drug suspects sa kanilang ikinasang drug buybust operation sa Barangay Gaunan sa bayan ng Rajah Buayan sa lalawigan ng Maguindanao Sur kaninang alas 5 ng hapon.
Kinilala ng kapulisan ang nahuli na tulak na sina Whiskey Panalandag Makapeges alyas Sky, nasa wastong gulang at nanunungkulan bilang Barangay Kagawad ng Gaunan at si Mohaimen Kamid Bogado, nasa hustong gulang at residente ng nasabing barangay.
Nahuli ang dalawa matapos nilang pagbentahan ang undercover police agent ng shabu at ng mahuli, nasamsam din dito ang buybust money at iba pang non drug items.
Kulong sa loob ng Rajah Buayan Custodial Facility ang dalawa at sasampahan ng kaso na may kinalaman sa paglabag sa RA 9165 o ang Comprehensive Dangerous Drugs Act of 2002.
