-- Advertisements --
NAGA CITY – Sugatan ang isang Barangay Kagawad matapos barilin ng anak ng Kapitan sa Brgy San Vicente, Tinambac, Camarines Sur.
Kinilala ang biktima na si Kagawad Edgar Nepas.
Sa nakalap na impormasyon ng Bombo Radyo Naga mula sa Camarines Sur Police Provincial Office (CSPPO), nabatid na kusang itinurn-over ni Kapitan Gemma Tuy sa kapulisan ang kanyang anak na si Aldrin Tuy, 29.
Una rito, nag-ugat umano ang naturang pamamaril ni Tuy sa opisyal sa hindi nito pagkakaintindihan.
Tinamaan umano ng bala sa tiyan ang barangay kagawad na agad namang itinakbo sa ospital.
Sa ngayon, nananatili na sa kustodiya ng mga otoridad ang suspek para sa karampatang disposisyon habang nagpapagaling naman ang naturang opisyal.
