-- Advertisements --
Naibenta sa auction sa halagang $718,750 ang pintuang kahoy na ginamit sa pelikulang ‘Titanic’.
Ang nasabing pintuan ay siyang ginamit noon ni Rose na ginampanan ni Kate Winslet para lumutang mula sa lumubog na barkong Titanic.
Ayon sa Heritage Auctions na ang props na karamihan ay napagkakamalang pintuan ay isang uri pala na debris na nabawi mula sa aksidente noong 1912.
May laki ito na 2.4 meters na haba at 1 meter na lapad.
Ilan pang mga props na kasabay na naibenta sa auctions ay ang latigo mula sa Indiana Jones at Temple of Doom na naibenta sa halagang $525,000.
Habang ang Spiderman suit na naisuot ng actor na si Toby Maguire ay naibenta sa $125,000.
Nakalikom ang auctions na kabuuang $15.6 milyon mula sa pagbebenta ng nasabing mga props.
