Kalansay ng isang indibidwal, nakuha sa San Narciso, Quezon

NAGA CITY-Nakuha ang kalansay ng isang hindi pa nakikilalang indibidwal sa Sitio Bukal, Brgy. Buenavista, San Narciso, Quezon.

Sa nakuhang impormasyon ng Bombo Radyo Naga sa Quezon Police Provincial Office, napag-alaman na nagbigay aniya ng impormasyon sa San Narciso Municipal Police Station ang Chairwoman at mga opisyal ng barangay ng Barangay Buenavista na isa sa mga pamilya sa lugar ang nakadiskubre ng kalansay ng isang tao malapit sa kanilang bahay habang naghuhukay para sa uling.

Base sa inisyal na imbestigasyon ng mga awtoridad, nakuha ang kalansay sa lalim na 2 feet kung saan ilang piraso ng damit, pares ng tsinelas, toothbrush, at bag ang nakuha sa katabi nito.

Sa presente, nagpapatuloy pa ang imbestigasyon tungkol sa insidente.