-- Advertisements --
ILOILO CITY – Patuloy pa na inaalam ng mga otoridad ang pagkakakilanlan ng dalawang kalansay na natagpuan sa pinapatayong gym sa Rizal Lapuz Sur, Iloilo City.
Sa eksklusibong panayam ng Bombo Radyo Iloilo kay Rolly Barcelona, isa sa mga naghuhukay ng lupa sa nasabing lugar, sinabi nito na naghuhukay sila para sa pundasyon ng gym ng makita ang dalawang kalansay ng tao.
Nakita rin anya sa hindi kalayuan ang dalawang kabaong sa hukay.
Ayon kay Barcelona, nagulat na lamang sila ng makita ang kalansay ng tao dahil hindi naman anya dating sementeryo ang nasabing lugar.
