-- Advertisements --
ILOILO CITY- Nagpapatuloy pa ang imbestigasyon ng mga otoridad hinggil sa natagpuang kalansay ng tao sa plantasyon ng tubo sa Maasin, Iloilo.
Sa eksklusibong panayam ng Bombo Radyo Iloilo kay PMaj. Fernand Limbungan, hepe ng Maasin Municipal Police Station, sinabi nito na isang mananabas ng tubo ang nakakita sa kalansay.
Ayon kay Limbungan,nakita malapit sa kalansay ang isang bag na may lamang dokumento at birth certificate na nakapangalan kay Edgar Sabanal ng Dagbasan, Mabinay, Negros Oriental.
Sinabi ng hepe na may posibilidad na ang pagkakakilanlan ng namatay ay ang mismong tao sa nakitang id na si Sabanal ngunit ito ay isasailalim pa sa DNA cross matching examination.
