Natagpuan ng ilang mangangaso sa isang masukal na bangin sa Barangay Tranghawan, Lambunao, Iloilo ang kalansay ng tatlong tao na nakasilid sa mga sako na pinaniniwalaang matagal nang inihulog doon.
Sa panayam ng Bombo Radyo kay Police Major Joegen Suegay, hepe ng Lambunao Municipal Police Station, sinabi nito na wala ng saplot ang tatlong mga tao kung saan ang dalawa sa kanila ay mayroon pang pustiso.
Ayon pa kay Suegay, hindi pa matukoy sa ngayon kung ano ang sekswalidad ng mga biktima.
Noong 2021, may natanggap na report ang kapulisan na mayroong missing sa nasabing bayan.
Ang isa sa kanila ay lalaki.
Ang dalawa pang missing ay mga babae na sabay na nawala.
Sa ngayon, patuloy ang pakikipag-ugnayan ng kapulisan sa kanilang mga pamilya.
Ang kalansay ng tatlong tao ay pansamantalang nakahimlay sa isang punerarya sa nasabing bayan.
