Kaliwa Dam project magiging operational na sa 2027

Posible sa taong 2027 ay magiging fully operational na ang Centenial Kaliwa Dam project.

Ayon kay Metropolitan Waterworks and Sewerage System (MWSS) Administrator Leonor Cleofas na maaring sa last quarter ng taon ay matapos na ang project at sa 2027 ay operational na ito.

Tuloy-tuloy aniya ang kanilang ginagawang trabaho para sa pagbubutas ng 22-kilometrong tunnel mula sa Teresa, Rizal hanggang sa General Nakar sa Quezon Province.
Sa kasalukuyan ay nasa mahigit 350 metro na ang kanilang nabutasan.

Pagtitiyak ni Cleofas na ang nasabing proyekto ay may malaking tulong para matiyak na magkaroon ng long-term water supply ang nasa 20 milyon na residente ng Metro Manila.