CENTRAL MINDANAO- Hawak na ngayon ng Moro Islamic Liberation Front ( MILF) Task Force Itihad ang kampo ng Bangsamoro Islamic Freedom Fighters (BIFF_ISIS Inspired Group) sa lalawigan ng Maguindanao.
Ayon sa ulat ng 601st Brigade na patuloy na tinutugis ng MILF Task Force Itihad sa bayan ng Shariff Saydona Mustapha Maguindanao ang BIFF.
Tumutulong ngayon ang MILF sa militar sa operasyon laban sa mga terorista at mga galamay nito na banta sa seguridad ng taong bayan.
Nakubkob ng MILF Task Force Itihad ang kampo ng BIFF sa hangganan ng Shariff Saydona Mustapha Maguindanao at North Cotabato.
Matatandaan na pitong MILF at apat na BIFF ang nasawi sa madugong engkwentro nito sa Sitio Tinolusan Brgy Dasawao Shariff Saydona Mustapha Maguindanao.
Sa ngayon ay pinaigting pa ng MILF Task Force Itihad katuwang ang Joint Task Force Central ang pagtugis sa BIFF-ISIS Inspired Group sa pamumuno ni Shiekh Esmail Abdulmalik alyas Kumander Abu Toraife na nagtatago sa Liguasan Delta at SPMS Box sa Maguindanao.
