CENTRAL MINDANAO-Dalawang maliliit na kampo ng mga terorista ang nakubkob ng militar sa lalawigan ng Maguindanao.
Ayon sa ulat ng militar na inabandona umano ng Bangsamoro Islamic Freedom Fighters (BIFF-Karialan faction) ang kanilang kampo sa SPMS Box sa hangganan ng Datu Salibo at Datu Saudi Ampatuan Maguindanao.
Isa umano sa mga stronghold camp ng BIFF ang kampo kung saan nagkukuta si Kumander Ustadz Karialan ng BIFF Karialan faction.
Matatandaan na tutol ang BIFF sa paglalagay ng outpost ng pinagsanib na pwersa ng PNP,AFP at MILF sa naturang lugar kaya naglunsad ito ng kalat-kalat na pananalakay.
Sa ngayon ay nasa hightened alert ang Joint Task Force Central at pulisya sa Maguindanao sa posibling sorprisang pananalakay ng BIFF sa pagtatapos ng Holy Month of Ramadhan.
