-- Advertisements --
ILOILO CITY – Bumwelta ang kampo ni dating Iloilo City Mayor Jed Patrick Mabilog kaugnay sa panibagong mga patutsada sa kanya ni Pangulong Rodrigo Duterte.
Napag-alaman na sinabi ni Duterte kay Kingdom of Jesus Christ founder Pastor Apollo Quiboloy, na plano niyang ipapatay si Mabilog ngunit naunahan siya nito na makalabas sa Pilipinas.
Sa eksklusibong panayam ng Bombo Radyo Iloilo kay Mrs. Maria Victoria Mabilog, sinabi nito na kung pagbabasehan ang law of nature, tiyak na mauunang mamatay ang pangulo.
Tinawag din ni Mrs. Mabilog si Duterte na “pangit” at inihambing pa ang city hall ng Davao sa Iloilo City Hall.
