Kampo ni Imelda Papin nagbantang kakasuhan ang mga ‘bashers’ dahil sa awiting ‘Iisang Dagat’

Plano ni Maffi Papin Carrion na magsampa ng kaso laban sa mga bumabatikos sa ina nitong si Imelda Papin dahil sa pagkanta ng music video ng Chinese Embassy na “Iisang Dagat”.

Sinabi ng anak ng tinaguriang “Jukebox Queen” na masyado ng ‘below the belt’ ang pambabatikos at hindi na makatarungan.

Dagdag pa nito na ipinakita pa lamang ng ina ang pagmamahal sa bayan at walang anumang intensiyon ito.

Magugunitang binatikos ang singer matapos na ilabas ang music video na gawa ng Chinese Embassy na “Iisang Dagat”.