Kantang ‘Selos’ ni Shaira ibabalik na sa mga music platform

Ibinunyag ni Shaira Abdullah Alimudin o kilala bilang si “Shaira Moro” na nagkaroon na sila ng pag-uusap ng Australian singer-songwriter na si Lenka.

Kasunod ito sa isyu ng copyright sa kanta ni Shaira na “Selos” na hango umano sa 2008 na kanta ni Lenka na “Trouble Is A Friend”.

Sa social media account ni Shaira, sinabi nito na wala ng interest pa ang Australian singer na maghain pa ng reklamo.

Nagkaroon umano na sila ng kasunduan na ibabalik na nito ang kantang “Selos” sa lahat ng mga music platform.