Umaapela na ang book author na si Nicholas Kaufmann na tigilan na siya ng mga supporters ni dating Pangulong Rodrigo Duterte sa buhos ng mga mensahe at comments.
Si Kaufmann ay nagkataong kapangalan ng abogado ni Duterte na si ICC counsel Nicholas Kaufman at isang letra lamang ang pagkakaiba ng kanilang apelyido.
Ayon kay Nick, nagulat siya sa buhos ng mga mensahe na kaniyang natatanggap nitong mga nakalipas na araw.
Pero hindi lang naman aniya mga pro-Duterte ang mga nagpapadala ng mensahe dahil mayroon ding mga Pilipino na humihingi na ng paumanhin sa nagiging asal ng ibang nagpaparating sa kaniya ng sari-saring comment.
Kaya naman, ilang kakilala ng book author ang nagpayo na lamang na gawan ng libro ang karanasan nito sa biglang pagsikat sa Pilipinas at tiyak na marami ang magkaka-interes nito.
May humikayat naman sa kaniya na hayaan na lamang ang mga comments at messages at huwag na itong pansinin, ngunit tugon ni Nick ay mas makakabuti sana kung tatantanan na siya ng mga pro-Duterte supporters.
