ILOILO CITY – Anim na sachet ng suspected shabu ang nakuha sa kapatid ng Western Visayas Drug Lord na si Richard Prevendido matapos nahuli sa buy bust operation sa loob ng Jaro Big Market sa Brgy. Desamparados, Jaro, Iloilo City.
Ang subject ng buy bust operation ay si Abelardo Prevendido, 65, ng Brgy. Bakhaw, Mandurriao, Iloilo City at nakakatandang kapatid ng Philippine Drug Enforcement Agency identified drug group leader na si Richard Prevendido.
Maliban sa sachet ng suspected shabu, nakuha rin kay Prevendido ang P3,000 na buy bust money.
Sa panayam ng Bombo Radyo Iloilo kay Wenalyn Abuñawan, Brgy. Secretary ng Desamparados, Mandurriao, Iloilo City, sinabi nito si Prevendido ay negosyante ng softdrinks at karne ng baboy.
Ayon kay Abuñawan, noong 2019 lang nakalabas ng kulungan si Prevendido dahil rin sa illegal drugs.
