DAVAO CITY – Patong-patong na kaso ang isinampa laban sa isang Barangay kapitan sa Davao del Sur dahil sa illegal na pagbebenta nito ng anchestral domain.
Ayon kay Ely Leano, spokesperson ng National Bureau of Investigation XI, naisampa na sa Digos City Prosecutor’s Office ang kasong Estafa through falsification of Public documents, illegal possession of firearms, illegal possession of explosives at ang paglabag sa Indigenous Peoples Rights Act (Republic Act No. 8371 of 1997) laban kay Brgy. Kapatagan, Digos, Davao del Sur Brgy. Kapitan Juanito “Wantoy” Morales.
Maalalang, nadakip sa entrapment operation si Morales sa loob mismo ng Barangay Hall, matapos na maaktuhan ang kapitan na pumirma ng dokumento sa alleged illegal na pagbebenta ng lupa sa anchestral domain.
Samantala, maliban kay kapitan Morales, nadakip din ang sampu pang iba na may kinalaman sa nasabing transaksyon, na parehong nakakustodiya na ngayon sa NBI XI Detention Facility.
