Tinanghal bilang best actress ng Filipino Academy of Movie Arts and Sciences (FAMAS) si Kathryn Bernardo.
Tinanggap nito ang tropeo sa ginanap na awards night sa Fiesta Pavilion sa Manila Hotel dahil sa pagganap niiya sa pelikulang “A Very Good Girl”.
Tinalo nito sa nasabing kategorya sina Maricel Soriano para sa pelikulang “In His Mother’s Eyes,” Charlie Dizon sa “Third World Romance,” Marian Rivera sa “Rewind,” Sharon Cuneta sa “Family of Two,” at Eugene Domingo para sa pelikulang “Becky & Badette.”.
Nakuha naman nina Piolo Pascual at Alfred Vargas ang Best Actor award para sa pagganap nila ng mga pelikulang “Pieta” at “Mallari”.
Tinalo nila sina Dingdong Dantes sa pelikulang “Rewind”, Alden Richards sa pelikulang ” Family of Two” , Cedrick Juan para sa pelikulang “Gomburza at Ken Chan para sa pelikulang “Papa Mascot”.
Napagtagumpayan naman ni Gloria Diaz ang Best Supporting Actress para sa pelikulang “Mallari” at LA Santos para sa pagganap nito sa pelikulang “In His Mother’s Eyes”.
Nakuha naman ni Euwenn Mikael ang Best Child Actor award para sa “Firefly” habang Best Child Actress naman si Elia Ilano para sa pelikulang “Ghost Tales”.
Tinanghal bilang Best Director si Louie Ignacio para sa pelikulang “Papa Mascot” habang ang pelikulang “Mallari” ay tinanghal bilang Best Picture.
