Pinili ng malaking media organization na Associated Press (AP) si NBA superstar Kawhi Leonard bilang kanilang male athlete of the year for 2019.
Nanguna si Kawhi sa botohan para tanghalin bilang kanilang ika-limang NBA player na nanalo sa award.
Dahil dito nakahanay na ni Leonard si Larry Bird (1986), ang three-time recipient na si Michael Jordan (1991 hanggang 1993), three-time awardee na si LeBron James (2013, 2016, 2018) at Stephen Curry (2015).
Ang award ay ginagawa mula pa noong taong 1931.
Samantala si Simone Biles naman ang napili bilang women’s recipient for 2019.
Kung maaalala si Leonard ang nagwagi bilang NBA Finals MVP sa ikalawa niyang pagkakataon matapos pangunahan ang Toronto Raptors sa una nitong championship.
Bago ito limang taon na ang nakakalipas nang dalhin din ni Kawhi ang San Antonio Spurs sa kampeonato.
Sa ngayon si Leonard ay bahagi na ng Clippers at nangunguna rin sa kampanya ng bago niyang nilipatang koponan.
