-- Advertisements --
Umatras na sa paglalaro sa Olympics si Kawhi Leonard.
Ayon sa USA Basketball Team, nais ni Leonard na bigyang prioridad ang paglalaro niya sa Los Angeles Clippers para sa bagong season ng NBA.
Noong nakaraang NBA season kasi ay hindi ito nakapaglaro sa huling walong laro dahil sa kaniyang injury sa kanang tuhod.
Sinubukan nitong makapaglaro sa first round playoffs laban sa Dallas Mavericks subalit hindi pa rin siya pinayagan.
Dahil dito ay nagpasya ang USA Basketball team na ipalit na lamang si Derrick White ng Boston Celtics.
Magkakaroon ng exhibition games ang Team USA at Canada bilang paghahanda sa Olympics na gaganapin ito sa Las Vegas.
