Wala pa rin umanong maaasahan na opisyal na anunsiyo ngayong araw mula kay NBA superstar Kawhi Leonard.
Ito ay sa kabila na tinapos na nito ang negosasyon sa Raptors at ilan pang teams na nag-aagawan na makuha ang kanyang matamis na “oo” para sa next season ng NBA.
Iniulat naman ni Cris Carter, na sinasabing malapit sa NBA finals MVP, “very impressive” ang naturang pakikipag-usap ni Leonard.
Pero mag-enjoy daw muna ang mga fans sa 4th of July at wala pang mangyayaring anunsiyo.
Ang matinding sekreto sa kalakaran ng free agency kay Kawhi ay lalo tuloy nagpatindi sa suspense sa mga fans.
Lumutang naman ang indikasyon na posibleng manatili pa rin sa Toronto si Kawhi pero hindi maaaring isantabi ang paghahangad din sa kanyang serbisyo ng Lakers at Clippers.
