Mismong si KC Montero ang nag-anunsyo na nagsilang na sa kanilang panganay na anak ang asawang si 2007 Miss World New Zealand Stephanie Dods.
Sa post ni KC o Casey Wyatt Montero Miller sa tunay na buhay, sa wakas ay nahaplos na nila ni Steph si baby Wyatt Cody Miller na ipinanganak nitong December 14.
Kaagad naman inulan ng pagbati ang mag-asawa mula sa mga kapwa nila celebrity at maging sa ilang followers.
Taong 2019 nang ikasal sa beauty queen ang ex-husband ng celebrity ding si Geneva Cruz at nitong Agosto nang ianunsyo na magkaka-baby na.
Kung tatantyahin, buntis na ang beauty queen nang kasamang maaresto ng 42-year-old American TV host/radio jockey at daan-daang iba pa sa isang rooftop bar sa sa Makati noong Hunyo.
Nabatid na magdi-dinner lang sana ang mag-asawa nang mangyari ang raid.
Gayunman, isyu ng paglabag sa social distancing protocol ang dahilan ng pagdakip ng mga otoridad at wala namang nakumpiskang party drug.
