Pipirma na umano ng apat na taong kontrata si three-time All-Star Kemba Walker sa Boston Celtics.
Batay sa ulat, nakipagkasundo si Walker sa Celtics para sa $141-milyong halaga ng kontrata.
Si Walker, na walong seasons na nanatili sa Charlotte Hornets, ay magiging free agent sa Lunes (Manila time) ngunit hindi pa nito malalagdaan ang kontrata hanggang Hulyo 6.
Ipinabatid na rin umano ni Walker sa pamunuan ng Hornets ang kanyang pasya.
Pinaplano ngayon ni Walker na magtungo sa Boston upang maisapinal na ang kontrata nito sa lilipatan nitong koponan.
Si Walker ay naglista ng average na 25.6 points sa paglalaro nito sa 82 regular-season games.
Maaalalang target ng Celtics si Walker na kanila ring No. 1 priority sa free agency bilang kapalit ni Kyrie Irving na lilisan na sa team.
