Kidapawan City at ilang bayan sa Cotabato Province binaha

CENTRAL MINDANAO-Binaha ang ilang bayan sa probinsya ng Cotabato at Kidapawan City dulot ng malakas na buhos ng ulan.

Tumaas at umapaw ang mga kailugan sa bayan ng Magpet at Makilala Cotabato.

Nabuwal ang mga punong kahoy sa Kidapawan City dahil sa malakas na hangin at ulan kung saan bhagyang tumaas ang lebel ng baha sa mga ilog.

Malayo na ang low pressure area subalit dahil sa localized thunderstorm ay nakakaranas ng pag-ulan ang Mindanao.

Sa ngayon ay pinag-iingat ng PDRRMO Cotabato ang mga nakatira sa gilid ng ilog at bundok sa posibling pagragasa ng baha at pagguho ng lupa.