Kolektor ng pautang pinatay sa Maguindanao

CENTRAL MINDANAO – Patay ang isang kolektor ng pautang sa pamamaril sa lalawigan ng Maguindanao.

Nakilala ang biktima na si Angga Ebanez, residente ng Barangay Calawag, Pikit, Cotabato.

Ayon sa ulat ng pulisya, naganap ang pamamaril sa Barangay Tonggol sa bayan ng Datu Montawal, Maguindanao.

May kasama ang biktima ngunit maswerteng nakatakas at nakaligtas.

Nagtamo ng maraming tama ng bala sa katawan si Angga kaya agad itong binawian ng buhay.

Sa ngayon ay nagpapatuloy ang imbestigasyon ng Datu Montawal MPS sa pamamaril sa mga biktima.