Tinapos na ng kampo ni NBA legend Kobe Bryant ang kontrata nito sa Nike.
Nagdesisyon ang asawa ng pumanaw na Los Angeles Lakers star na si Vannessa Bryant at ang abogado nito na hindi na nila ire-renew ang partnership nila matapos na ito ay magpaso noong Abril 13.
Sinabi nito na naging matagumpay ang paglunsad ng sapatos ng asawa nito sa nagdaang 18 taon at mas marami pa itong naisusuot na sapatos ni Kobe kaysa sa ibang mga signature shoes.
Isang dahilan kaya hindi na ito nagrenew ng kontrata sa Nike ay dahil sa walang size na pambata.
Umaasa pa rin ito na isusuot pa rin ng fans ng asawa nito ang mga produkto ng NBA legend.
Taong 2003 ng pumirma sa Nike si Kobe at naipalawig pa ito ng limang taon ang kontrata matapos ang pagreretiro niya noong 2016.
Magugunitang pumanaw si Bryant noong Enero 2020 ng bumagsak ang helicopter na sinakyan niya kasama ang anak at pitong iba pa.
