-- Advertisements --
Sugatan ang isang motorcycle rider matapos niyang mabangga ang isang kotse sa may Quezon Avenue sa Quezon City pasado alas-5:00 ng umaga kanina.
Nakilala ang sugatang motorcycle rider na si Charlie Fernandez na nagtamo ng sugat sa ulo na hindi umano nagsuot ng helmet habang bumibiyahe.
Ayon sa driver ng kotse na nakilalang si Celso Bonote, pauwi na sana siya ng Valenzuela galing Quezon City nang biglang banggain ni Fernandez ang kaniyang kotse.
Nayupi ang kanang bahagi ng kotse ni Bonote sa lakas ng pakakabangga, habang tumilapon naman si Fernandez.
Hindi naman nasugatan si Bonote.
Kasalukuyang iniimbestigahan na ng PNP ang nasabing aksidente.
