-- Advertisements --
(Update) Nagbabala ang kampo ni Maine Mendoza laban sa mga patuloy na magpapakalat ng anila’y pekeng online scandal ng aktres.
Ayon sa manager ni Mendoza na si Rams David, handa silang magdemanda lalo’t edited na ang naturang sex video kung saan ginamit ang tinatawag na deepfake technology.
Sa panig ng 25-year-old actress, kinilabutan siya dahil sobrang kamukha raw niya ang babae pero giit na hindi siya ang nasa screenshot ng video na ngayon ay tila burado na.
“Wtf???? Sobrang kamukha ko kinilabutan ako pero hindi ako to!” sagot nito sa nagtanong na follower.
Si Maine ang girlfriend ng artista ring si Arjo Atayde at kamakailan lang nang ipagdiwang nila ang second anniversary.
