CENTRAL MINDANAO-Sugatan umano si Shiek Esmail Abdulmalik alyas Kumander Abu Toraife ng Bangsamoro Islamic Freedom Fighters (BIFF-ISIS Inspired Group) sa engkwentro sa Maguindanao.
Nasugatan si Toraife sa sagupaan ng Joint Task Force Central sa SPMS Box kung saan nakubkob ang kanilang kampo.
Maraming mga armas na rin at mga Improvised Explosive Device (IEDs) ang nabawi ng militar sa kalat-kalat na engkwentro laban sa BIFF sa SPMS Box at Liguasan Delta sa Maguindanao.
Target ng JTFC ang maliliit na isla sa Liguasan Delta kung saan nagtatago ang sugatan na si Toraife kasama ang kanyang mga tauhan.
Nasa defensive position lamang ang militar ngayong Semana Santa ngunit agad itong kikilos kung sakaling maghahasik ng kaguluhan ang BIFF sa Maguindanao at North Cotabato.
