KORONADAL CITY – Aabot sa 15 na mga wanted individuals sa Sultan Kudarat ang naaresto ng pulisya sa sunod-sunod na anti-criminality law enforcement operation.
Ayon sa Sultan Kudarat Police Provincial Office, pito sa mga nahuli ay itinuturing na most wanted person habang walo naman sa mga ito ay nahaharap din sa iba’t-ibang kaso.
Kabilang sa pitong mga naaresto ay isang kumander ng private armed group na kinilalang si Commander Bauti Amelin Lagyalan na nahuli at nasa kustodiya na ngayon ng Isulan Municipal Police Station.
Si Laglayan ay nasa watch list din ng Regional Police Office-12 dahil sa kasong murder.
Ipinasisiguro naman ng PNP-Sultan Kudarat na palalakasin pa nila ang kampanya laban sa mga lawless elements sa kanilang area of responsibility para mapanatili ang kaayusan at katahimikan sa kanilang lugar.
