Kumbento pinasok at ninakawan sa Capiz

ROXAS CITY – Pinasok at ninakawan ng hindi pa nakikilang mga suspek ang kumbento ng St. Anne Parish Church sa Barangay Poblacion, Sapian, Capiz.

Binasag ang jalousie ng bintana na nagsilbing entrance ng mga suspek at dumiretso sa cashier’s office kung saan tinangay ang P8,000 na donation money.

Ayon kay Kapitan Erwin Baldisimo, natuklasan lamang ang insedente ng dumating ang isang empleyado ng kumbento at nakitang kumakalat na ang mga gamit sa loob ng opisina.

Patuloy sa ngayon ang imbestigasyon ng mga pulis para matukoy ang mga suspek.