CENTRAL MINDANAO – Nakubkob ng militar ang kuta ng mga miyembro ng Bangsamoro Islamic Freedom Fighters (BIFF) sa Maguindanao.
Ayon kay 1st Mechanized Infantry Battalion commanding officer Lt. Col. Cresencio Sanchez, Jr., nagsagawa sila ng combat clearing operation pagkatapos salakayin ng BIFF-Karialan faction ang kanilang detachment sa Barangay Labo-labo, Shariff Aguak, Maguindanao.
Ginalugad ng mga sundalo ang mga liblib na lugar sa Brgy Labo-labo at doon nila nadiskubre ang maliit na kuta ng BIFF kung saan doon sila nagtatago.
Nakarekober ng militar ang samu’t-saring mga bala at empty shells ng caliber .50 machine gun, empty shell ng M14 rifle, empty shells ng M16 armalite rifle, mga sangkap sa paggawa ng bomba at dalawang kubo.
Sa ngayon nagpapatuloy ang combat operation ng militar laban sa BIFF sa Maguindanao.
