-- Advertisements --
BAGUIO CITY – Nasawi ang isang laborer dahil sa pagkasaksak nito sa loob ng isang kubo sa First Gate, Ucab, Itogon, Benguet.
Naideklarang dead on arrival sa Baguio General Hospital and Medical Center si Chistopher Balanni, tubo ng Banaue, Ifugao at residente ng Itogon, Benguet.
Arestado naman ang suspek na si Kazy Binuhe Nahuyaman, 25-anyos, binata, tubo ng Hingyon, Ifugao at residente ng Ucab, Itogon, Benguet.
Ayon sa Itogon Municipal Police Station, natuklasang nag-away ang biktima at suspek habang umiinom ang mga ito ng alak sa isang kubo at nagresulta ito sa pananaksak ng suspek sa biktima.
Tumakas pa ang suspek ngunit boluntaryo rin itong sumuko sa mga awtoridad.
