Handa na muli ang Los Angeles Lakers na bumalik sa NBA regular games, kasunod ng matagumpay na kampanya nito sa kauna-unahang NBA Cup.
Ayon kay Lebron James, ang tinanghal na MVP sa kauna-unahang In-Season Tournament, agad babalik ang koponan sa regular-season mindset kasunod ng ginawang selebrasyon.
Sa kasalukuyan ay Disyembre pa lamang aniya at marami pang dapat gawin sa Regular Season.
Masaya man ngayon ang koponan, ngunit sinabi ni Lebron na kailangan muli nilang bumalik sa maayos na kondisyon at kalusugan, para sa pagbalik ng turneyo.
Kahapon ay tuluyang kinoronahan ang LAL bilang champion sa kauna-unahang In-Season Tournament sa NBA.
Nagawa ng Lakers na tapusin ang NBA cup sa pamamagitan ng dominanteng performance, 123-109, laban sa Indiana Pacers.
Ayon kay Lebron, panibagong kasaysayan ang nagawa ng Lakers sa naturang torneo.
