Magsasagawa ng pinal na assessment ang Los Angeles Lakers kung kakayanin pa ni Anthony Davis na sumalang sa napakahalagang Game 6 sa Lunes laban sa Miami Heat.
Ayon kay Lakers head coach Franch Vogel, magsasagawa nang medical check up ang team sa status ni Davis.
Una rito sa Game 5 bagamat umabot sa 42 minuto sa court si Davis, halata pa rin na meron itong iniinda na sakit.
Nakuha ni Davis ang heel contusion sa huling bahagi ng first quarter.
Nag-collapse ito sa baseline habang hawak-hawak niya ang ankle at Achilles area.
Nagtapos pa rin si Davis sa game at nagpakita ng 28 points.
Para naman kay Davis, wala raw dapat ipangamba dahil pupuwede pa siya sa next game.
Napakahalaga ng posisyon ni Davis sa diskarte ng Lakers lalo na at ito rin ang naatasang magguwardiya sa Miami star na si Jimmy Butler.
