Nakatuon na lamang daw ang Los Angeles Lakers sa ilan pang mga maliliit na detalye bago ang nakatakda nilang pagsabak sa Game 5 ng NBA Finals kontra sa Miami Heat.
Para kay Lakers head coach Frank Vogel, hindi pa raw tapos at mahaba pa ang itatakbo ng serye.
“We’ve got a lot of work to do. This is a great basketball team that we’re playing, and my focus is solely on all the little details that go into what we have to do to get one more win,” wika ni Vogel.
Pero kahit na abot kamay na ng Lakers ang kampeonato sa finals hawak ang 3-1 record, nananatili pa rin daw ang kanilang pokus sa susunod na game.
“I think we all know that tomorrow night is also a must-win for us, just as much as it is a must-win for the Heat,” sambit ni Lakers forward Anthony Davis.
Una nang inihayag ni LeBron James na mistulang chess game daw ang kanilang serye ng Miami.
Sinabi ni LeBron, mahirap pa rin daw mabasa ang susunod na diskarte ng tropa ni Filipino-American head coach Erik Spoelstra para sa susunod na laban.
“Seeing things that we did do well. Thinking about the adjustments that they possibly or will do … that’s the best part about it. It’s a chess match.”
