Maagang nakalasap ng pagkabigo ang Los Angeles Lakers kontra sa Denver Nuggets para sa game one nitong Sabado ng gabi.
Nagtapos ang kanilang laban sa score na 114 para sa Denver Nuggets, habang 103 lamang para sa Lakers.
Para kay LeBron James, wala nang room for error dapat sa susunod nilang laban, dahil posibleng hindi na sila makasulong kapag nangyari ito.
“We know we just don’t have much room for error versus a Denver team, especially on their home floor. They’re just a team that’s been through everything. Obviously, they’re the defending champions. So, you got to execute, you got to make shots, you got to defend,” wika ni James.
Sinabi ni James na ang pangunahing diskarte ay ang paglilimita sa mga offensive rebound.
Sa pagkatalo, dinala ni James at ng kanyang co-star na si Anthony Davis ang bigat ng team.
Si James ay may 27 puntos, walong assists at anim na rebounds habang si Davis ay gumawa ng 32 puntos, 14 rebounds at limang assist.
Samantala, si Nikola Jokić naman ay may 32 points, 12 rebounds at pitong assist sa panalo.
