-- Advertisements --
Pasok na sa semi-finals NBA playoffs ang Los Angeles Lakers matapos talunin sa Game 5 ang Portland Trail Blazers 131-122.
Bumida sa panalo si Anthony Davis na nagtala ng series high na 43 points, nine rebounds at apat na assists.
Habang mayroong 36 points ang naitala ni LeBron James.
Sinamantala ng Lakers ang hindi paglalaro ni Damian Lillard sa dahil sa knee injury.
Nasayang naman ang nagawang 36 points, anim na rebounds at pitong assists ni CJ McCollum habang mayroong 27 points at pitong rebounds si Carmelo Anthony.
Susunod na makakaharap ng Lakers ang sinumang manalo sa laban ng Houston Rockets at Oklahoma City Thunder kung saan lamang ang Rockets 3-2 sa first round ng NBA playoffs.
