Lalaki, arestado sa drug ops ng pulisya sa Sultan Kudarat

COTABATO CITY — Sa kulungan bubunuin ng isang suspetsado sa pinaghihinalaang droga ang kanyang mga araw matapos mahuli ito ng operatiba ng Sultan Kudarat PNP sa ikinasang drug buy bust operations, dakong alas siete (7) ng gabi, kagabi araw ng lunes sa may Barangay Ibotigen, bayan ng Sultan Kudarat sa Maguindanao Norte.

Kinilala ng pulisya ang naaresto na si Samad Eto Bukua, nasa hustong gulang, magsasaka at residente din ng nasabing barangay.

Nasakote ang suspek matapos nito na mapagbentahan ang undercover agent ng hinihinalang shabu.

Maliban pa sa droga, nakuha din sa suspek ang isang garand rifle, magazine at mga live ammunitions o bala.

Nakakulong na ngayon ang suspek sa piitang pambayan at nakatakdang sampahan ng patung patong na mga kaso.